Azərbaycan Respublikasının məhkəmələrində kargüzarlığın aparılmasına dair Təlimat ləğv edilib.
Publika.az İqtisadiyyat.az-a istinadən xəbər verir ki, bununla bağlı ədliyyə naziri, III dərəcəli dövlət ədliyyə müşaviri Fərid Əhmədov qərar imzalayıb.
Qərara əsasən, Ədliyyə Nazirliyi Kollegiyasının qərarı ilə təsdiq edilmiş "Azərbaycan Respublikasının məhkəmələrində kargüzarlığın aparılmasına dair Təlimat" ləğv edilib.
Qeyd olunub ki, bu qərar Məhkəmə-Hüquq Şurası tərəfindən eyni münasibətləri tənzimləyən normativ xarakterli akt qəbul edildikdən sonra qüvvəyə minir.
