Çempionlar Liqasının 1/8 finalın ilk matçında “Benfika” çərşənbə günü “Barselona”nı qəbul edəcək.
Futbolpress.az xəbər verir ki, yanvarda komandalar turnirin ümumi mərhələsində Lissabonda qarşılaşıblar. Kataloniyalılar 78-ci dəqiqəyə qədər 2:4 geridə olsalar da, sonda 5:4 hesabı ilə qalib gəliblər.
“Katalanlar”ın baş məşqçisi Hans-Diter Flik həmin matçla bağlı sual alıb.
– Çərşənbə günü keçiriləcək qarşılaşma yanvardakı matça bənzəyəcək?
– Düşünürəm ki, biz öz ideyamızla oynayacağıq. Görək nə olacaq. Ümid edirəm ki, ilk hissədə daha yaxşı əks-hücumlar keçirib, onların hücumunu dayandıra bilərik. Çətin matç olacaq və biz keçən dəfəkindən daha yaxşı oynamağa çalışacağıq.
