Vatikan, 5 mart, AZƏRTAC
Xəstəxanada müalicəsi davam etdirilən Roma Katolik Kilsəsinin rəhbəri Papa Fransisk üçün Vatikanda dua və oruc mərasimi keçiriləcək.
AZƏRTAC xəbər verir ki, Müqəddəs Taxt-Tac bu addımın pontifikə mənəvi dəstək və birlik üçün atıldığını açıqlayıb. Mərasim kardinallar, yepiskoplar, keşişlər və digər dindarların iştirakı ilə martın 9-dan 14-dək baş tutacaq.
2020-ci ildən etibarən bu kimi dua və oruc mərasimləri Papa Fransiskin rəhbərliyi ilə keçirilib. Vatikanda illik dua və oruc mərasimi adəti XI Piusun pontifikatı dövründə başlayıb.
Nihad Budaqov
AZƏRTAC-ın xüsusi müxbiri
Vatikan
