Martın 3-də dünyanın aparıcı şirkətlərinin səhmləri kəskin ucuzlaşmışdı. Lakin dünən bəzi nəhənglər bu itkiləri kompensasiya edərək qiymətlərini yüksəldə bildi. Bununla belə, ümumi mənzərə göstərir ki, bazarda hələ də qeyri-müəyyənlik davam edir. Xüsusilə texnologiya sektorunda fəaliyyət göstərən şirkətlərin səhmləri qiymət artışına keçə bilmir.
Bitcoin hələ də 90 min dolların altındadır - SON QİYMƏT
FED.az xəbər verir ki, martın 4-də ən çox bahalaşan şirkət səhmi NVIDIA şirkətinə məxsus səhm oldu. Şirkətin səhmləri 1,69% dəyər qazanaraq 115,99 dollara yüksəldi. Bu, son dövrlərdə süni intellekt və çip sektoruna olan böyük maraqla izah edilə bilər. Digər tərəfdən Alphabet (Google) səhmləri də 1,34% bahalaşaraq 172,61 dollara çatdı, Microsoft isə cüzi artımla 388.61 dollara yüksəldi.
Bunun əksinə olaraq, ən çox dəyər itirən şirkət səhmi Tesla oldu. Onun səhmləri 4,43% geriləyərək 272,04 dollara düşdü. Meta Platforms (-2,30%), Berkshire Hathaway (-2,79%) və Visa (-2,65%) kimi nəhənglər də dəyər itirdi.
Ümumilikdə, bazarda böyük qeyri-müəyyənlik müşahidə edilir. NVIDIA kimi bəzi texnologiya şirkətləri möhkəmlənməyə davam etsə də, Tesla və Meta kimi liderlərin ucuzlaşması, investorların sektora ehtiyatla yanaşdığını göstərir.
Daha detallı aşağıdakı cədvəldə :
| Sıra | Şirkət Adı | Səhmin Bağlanış Qiyməti ($) | Gündəlik dəyişiklik (%) |
| 1 | Apple | 235,93 | -0,88 |
| 2 | Amazon.com | 203,80 | -0,60 |
| 3 | Meta Platforms | 640,00 | -2,30 |
| 4 | Berkshire Hathaway | 495,86 | -2,79 |
| 5 | Visa | 352,23 | -2,65 |
| 6 | Johnson & Johnson | 165,42 | -1,11 |
| 7 | Microsoft | 388,61 | +0,03 |
| 8 | Alphabet (Google) | 172,61 | +1,34 |
| 9 | Tesla | 272,04 | -4,43 |
| 10 | NVIDIA | 115,99 | +1,69 |
Beynəlxalq birjalarda və Azərbaycanda istiqraz, səhm və digər investisiya alətləri ilə əməliyyatları InvestAZ investisiya şirkəti vasitəsilə həyata keçirmək mümkündür.
