Gürcüstan parlamenti “xarici agentlər haqqında” Amerika qanununun gürcü dilindəki variantını birinci oxunuşda qəbul edib.
News24.az xəbər verir ki, bu barədə yerli mətbuat məlumat yayıb.
Sənəd həm təşkilatların, həm də şəxslərin Gürcüstanda xarici agent kimi qeydiyyata alınmasını nəzərdə tutur.
Xarici agentlər haqqında qəbul edilmiş qanun layihəsi Amerika qanunu FARA-nı (Xarici Agentlərin Qeydiyyatı Aktı) təkrarlayır.
2024-cü ilin mayında qəbul edilən “Xarici təsirin şəffaflığı haqqında” qanun ölkədə kütləvi etirazlara və hakimiyyətin “Rusiya yolu ilə getdiyi” ittihamlarına səbəb olub.
“Amerika versiyası”nda siyahıya xarici təşkilatlar və şəxslər daxildir. Bu zaman agent, nümayəndə, işçi, qulluqçu kimi fəaliyyət göstərən və ya xarici dövlətin, orqanın, təşkilatın və ya xarici vətəndaşın səlahiyyətlərinə, tələblərinə, sərəncamlarına uyğun olaraq və ya onun nəzarəti altında fəaliyyət göstərən hər hansı şəxs mənasında “xarici vəkalətçinin agenti” termini tətbiq edilir.
Həmçinin, “xarici direktorun agentləri” sırasına siyasi fəaliyyətlə məşğul olan təşkilatlar və ya şəxslər, habelə onların hərəkətləri xarici maraqların təşviqinə yönəlibsə, ictimaiyyətlə əlaqələr üzrə məsləhətçi, reklam agenti, informasiya xidmətinin işçiləri və ya siyasi məsləhətçi kimi fəaliyyət göstərən şəxslər də aid ediləcək.
“Xarici direktorun agenti” termini Gürcüstan qanunvericiliyi əsasında fəaliyyət göstərən xəbər yayımçılarına, mətbuat orqanlarına və ya birliklərə (Gürcüstanda yaradılmış və qeydiyyatdan keçmiş) və ya reklam axtarışında olan və ya alan, abunəçiləri olan və ya digər gəlir növlərini əldə edən KİV-lərə şamil edilmir.
Məryəm İlhamqızı
