Suriya prezidenti Əhməd Şara Qəzzada baş verənlərin bütün bölgə üçün həyəcan siqnalı olduğunu və Fələstin xalqının köçkünlük çağırışlarının bütün ərəb xalqını təhdid etdiyini bildirib.
"Operativ Məlumat Mərkəzi-OMM" xəbər verir ki, bunula bağlı xarici KİV məlumat yayıb.
Bildirilib ki, Şəra Misirin paytaxtı Qahirədə keçirilən Fələstin üzrə Ərəb Liqasının Fövqəladə Sammitində çıxış edib.
O qeyd edib ki, ölkəsinin Ərəb Liqasına qayıtması Suriyanın bölgədə təhlükəsizlik və sabitliyin artırılması üçün çalışacağının göstəricisidir.
“Bu gün biz Fələstin xalqının qanını tökmək bahasına regionun xəritəsini yenidən cızmaq istəyən həllərin tətbiqi üçün yeni cəhdlərin şahidi oluruq. Fələstin xalqının köçürülməsinə çağırışlar ərəb milləti üçün təhlükədir”, - deyə o vurğulayıb.
