ABŞ-ın xarici ticarət kəsiri yanvar ayında rekord qırıb.
Marja xəbər verir ki, ABŞ Ticarət Nazirliyinin açıqladığı yanvar ayı xarici ticarət məlumatlarına görə, ölkənin xarici ticarət kəsiri yanvar ayında əvvəlki ayla müqayisədə 34 faiz artaraq 131,4 milyard dollara çatıb.
Bu dövrdə rekord səviyyəyə yüksələn xarici ticarət kəsiri üçün bazar proqnozu, kəsirin 128,3 milyard dollar olacağı idi.
Ötən ilin dekabrında ABŞ-ın xarici ticarət kəsiri 98,1 milyard dollar təşkil etmişdi.
Yanvarda ölkənin ixracatı əvvəlki ayla müqayisədə 1,2 faiz artaraq 269,8 milyard dollar təşkil edib. Eyni dövrdə ABŞ-ın idxalı 10 faiz artaraq 401,2 milyard dollara çatıb və bu, bütün zamanların ən yüksək aylıq göstəricisi olub.
Yanvarda ABŞ-ın ticarət kəsiri illik müqayisədə 96,5% artıb.
Çin ilə mal ticarəti kəsiri 30 milyard dollara yaxınlaşır
Yanvarda ABŞ-ın ən böyük ticarət tərəfdaşlarından biri olan Çinlə mal ticarəti kəsiri 29,7 milyard dollar, Avropa İttifaqı (Aİ) ilə 25,5 milyard dollar, Meksika ilə 15,5 milyard dollar və Kanada ilə 11,3 milyard dollarlıq olub.
Ölkənin kəsirləri olan digər ticarət tərəfdaşları arasında İsveçrə (22,8 milyard dollar), İrlandiya (12,4 milyard dollar), Vyetnam (11,9 milyard dollar), Almaniya (7,6 milyard dollar), Tayvan (7,5 milyard dollar), Yaponiya (7,4 milyard dollar), Cənubi Koreya (5,4 milyard dollar), Hindistan (4,2 milyard dollar), İtaliya (2 milyard dollar), Fransa (1 milyard dollar), Sinqapur (1 milyard dollar), İsrail (6 milyon dollar), Böyük Britaniya (500 milyon dollar) və Səudiyyə Ərəbistanı (100 milyon dollar) da var.
ABŞ-ın ticarət profisiti olan tərəfdaşlar Hollandiya (4,3 milyard dollar), Mərkəzi Amerika ölkələri (4,3 milyard dollar), Belçika (6 milyon dollar) və Braziliyadır (600 milyon dollar).
