İsrail Azərbaycanla strateji tərəfdaşlığın inkişafında maraqlıdır.
“Report” xəbər verir ki, bu barədə “The Jerusalem Post” qəzeti məlumat yayıb.
"Azərbaycan Qafqaz regionunda İsrailin mühüm strateji müttəfiqidir və onunla münasibətlər təhlükəsizlik, ticarət, texnologiya və enerji sahələrində əməkdaşlığı əhatə edir", - qəzet İsrail Baş nazirinin ofisinin məlumatından sitat gətirib.
Baş nazirin ofisinin məlumatına görə, Təl-Əviv İsrail, Azərbaycan və ABŞ arasında üçtərəfli əməkdaşlıq üçün möhkəm baza yaratmaq məqsədilə Vaşinqtonla danışıqlar aparır.
