ABŞ-də 23 aylıq körpə ikən qaçırılan Andrea Mişel Reyes 26 ildən sonra möcüzə nəticəsində sağ tapılıb.
"Unikal" xəbər verir ki, Andreanın yoxa çıxması ilə bağlı ilk diqqət onun qəyyumluğu olmayan anası Rosa Tenorio olub. 1999-cu ilin oktyabrında Roza Andreanı qaçırmaqda günahlandırılıb və Roza üçün "qəyyumluq rejimini pozma" ittihamı ilə həbs qərarı verilib.
Ancaq ana və qızı tapılmayıb. Milli İtkin düşənlər və Naməlum Şəxslər Sisteminin məlumatına görə, 2009-cu ildə Rozaya qarşı daha bir cinayət işi qaldırılıb. Andreanın ailəsi illərlə ümidsizcəsinə onu axtarsa da, onun heç bir izi tapılmayıb.
Ancaq Nyu-Heyven polisi bağlanan işi yenidən açdıqdan sonra Andrea tapılıb. Hazırda 27 yaşlı Andrea atası ilə yenidən qovuşub.
Andreanın tapılması böyük sevinc mənbəyi olsa da, onun anası Roza ilə münasibətlərinin vəziyyəti hələ də qaranlıq qalır.
