Rusiyada yaşayan əslən azərbaycanlı, dünyaşöhrətli kulinar Stalik Xankişiyev feysbuk hesabında Fuad Nağıyevə qarşı sərt ittihamlar səsləndirib. Xankişiyev iddia edib ki, Fuad Nağıyev Tahir Əmiraslanovu Şuşada keçirilən festivaldan qovub.
Demokrat.az xəbər verir ki, Modern.az məsələni dəqiqləşdirmək üçün Tahir Əmiraslanov ilə əlaqə saxlayıb.
O bildirib ki, işdən çıxarılan zaman ona heç bir izah verilməyib:
"Livanda Dünya Kulinariya Assosiyasiyasının və Dünya İslam Kulinariyası Assosiyasiyasının Prezidenti seçildim. Ora ermənilərin, ASALA-nın oturduğu yerdi. Səfir Abbasqulu bəy yanımızdaydı. Birinci məsələ kimi Lənkəranın dünya mətbəx paytaxtı olması məsələsini gündəmə gətirdik. Tədbir sanki Azərbaycanda keçirilirdi. İkinci gün ermənilərə qarşı yazılmış “Dolma məsələsi bütün şübhələrə son” kitabını 18 ölkə qarşısında təqdim etdik. Onları ingilis, rus dilində payladıq. Burada da dünya kubokunu udduq. Martın 14-ü mənim ad günüm idi. 15,16,17-si axşamlarında bütün tədbirlər sanki Azərbaycanın idi. Martın 18-i də Novruz bayramı başlayırdı, biz geri qayıtdıq. Sizcə, erməninin biri bunu etsəydi, Ermənistanda ona münasibət necə olardı?
Nailiyyətlər ölkəmizə aid idi. Komandamızı belə təbrik etdilər. Martın 17-də zəng edib dedilər ki, muştuluğumu verin, sizi işdən çıxardıblar. Ən azından bu dünyaya böyük mesaj idi ki, bizim üçün o qələbələrin, kitabların, ermənilərə qarşı duruşun mahiyyəti yoxdur. Mənə qarşı edilən haqsızlıqları keçmək olur. Dünyada həmişə ayrı-ayrı adamlara qarşı səhvlər, haqsızlıqlar olur. Bunu həzm etmək mümkündür. Buradan dünya təşkilatlarına məktub yazıb məni ləkələməyə çalışdılar. İki il məhkəmələrdə qaldım. Bunlar Milli Kulinariya Assosiyasiyasına qarşı xüsusi yeni bir ictimai təşkilat yaratdılar. Ermənilərin 2016-cı ildə “Sputnik Armeniya”da verdikləri məqsədlərə çatdılar. Mərkəz məhv olundu. Mənim yerimə mütəxəssis deyil, çox yaxşı yazıçı, jurnalistin, qeyri-mütəxəssisin təyin olunması Milli Kulinariya mərkəzini məhv etmək üçün idi. İndi də mərkəzdə rəhbərlik edən iqtisadçıdır, yəni sahə adamları deyil. Digər yandan vaksda məndən yazan qrupun arxasında dayanıb gətirdilər dünya təşkilatına, nəticədə bunları 2022-ci ildə assosiativ üzv etdilər, mən milli üzvəm. Bir dəfə milli üzv kimi 1 qəpik maliyyə ayrılmayıb, bir məktubumuza müsbət cavab verilməyib. Bu birilərinə isə maliyyələr ayrıldı”.
T.Əmraslanov vurğulayıb ki, geniş imkanlara baxmayaraq, yeni mərkəz nailiyyət əldə edə bilməyib, yeyinti edib:
“İllik hesabatlarına görə 2,9 milyon manat pul xərclənib, əslində yeyilib. Bu 2,9 milyon manat mənim rəhbərlik etdiyim Milli Kulnariya Mərkəzinin 15 illik büdcəsidir. Bizim nə qədər iş gördüyümüz də açıqdır. Məni mərkəzdən çıxardıqdan sonra, 600 kvadrat metrlik yer arenda götürmüşdüm. İçərisində şərəf muzeyimiz vardı. Ayda 2000 manat kirayə, 14 faiz də vergi verirdim. Bunlar 200 kvadratlıq yerə 4000-6000 mi nə verirlər. 17 adam orada oturur, ofisdir. Amma 2024-cü ildə ofisə guya 256 minlik iki restoran avadanlığı alıblar. Birincisi bu avadanlıqlar ora yerləşməz. Bunlar "silinir". Bura ofisdir, niyə restoran avadanlığı oraya qoyulmalıdır? Heç kəs orada yemək bişirmir. Həmin 200 kvadrat metr yer 656 min manata təmir olunub. Şəhərdə köhnə tikililərdə qiyməti araşdırsanız, görəcəksiniz ki, bu pula 300-400 kvadratlıq ofis almaq olardı. Bu təkcə bir ildə yeyilən pullardır. Bu məsələlərdə nə dövlət, nə xalq, nə bu təşkilatlar xeyir götürdü. Məni martın 17-si işdən çıxartdılar, yayda Əbu-Dabiyə ilk dəfə Dünya Kulinariya Konqresinə 20-yə yaxın erməni qrupu gəldi, məni görən kimi üzləri çöndü. Bizdən isə oraya 10 nəfər getdi. Çoxu da Dövlət Turizm Agentliyinin məmurları idi, yəni orada lazım olmayan adamlar... Bu qədər dövlət pulu bahalı yerə xərcləndi. Amma bizə - iki nəfərə bilet alənmadı. Dünyada belə şey yoxdur, bizi lağa qoydular. Bunlar yaranandan məni 2 aydan bir işdən çıxarıb, işə götürüblər. Mən o təzyiqlə işləyirdim. Kömək əvəzinə, mane olurdular. Qəbələdə 5-ci Mürəbbə Festivalı keçirildi, Şəkidə 4-cü Beynəlxalq Şirniyyat Festivalı baş tutdu. Dünyanı yığırdıq. Bu və ya digər tədbirlərin keçirilməsi dayandırıldı, qoymadılar. İşdən çıxarandan sonra yayda Vaxda ermənilər yığışıb, bunlar da oradadırlar. İstəyirlər ki, bizə qarşı yazan təşkilatı dünya təşkilatına salsınlar. 2023-cü ildə ermənilər Lüksemburqda ilk dəfə dünya yarışlarına girdilər və qızıl medal aldılar. Bizimkilər də əlləri ətəklərindən uzun geri qayıtdılar, yəni ermənilərin yolu açıldı. Bu, ən dəhşətli məqamdı. Bir adam incidilib cəhənnəmə. Həyatdır, hər şey olur. Bir nəfərin məsələsi olsa, problem yoxdur. Gəlib deyərlər, Tahir müəllim, səhv eləmişdilər, bağışla, bağışlayaram. Ailələri var. Mən heç kəsin tutulmağının, ailəsinə zərbə vurulmasının tərəfdarı deyiləm. Onsuz da bu məsələləri düzəltmir. 2022-ci ildə məni işdən çıxardıqdan sonra ilk dəfə olaraq, Ermənistan elm, təhsil, idman və mədəniyyət nazirliyinin xüsusi milli irs portalında 250 xörəyimiz yerləşdirildi. Cavab verən, bunun qarşısında duran olmadı. 2023-cü ildə ingilisdilli ölkələrdə ingiliscə, rusdilli ölkələrdə bunun ruscası yayımlandı. Mətbəximizi bu kitabda ortaya qoydular, guya ki, bu Göyçənin Kəvər kəndinin mətbəxidir. Mən işdən çıxandan sonra Tahir Əmraslanov kitabları yandırır deyə məlumatlar getdi. Bu bir protest idi. Çünki bizim 15 mətbəx nümunəmizi məhv edib ermənilərə verdilər. Bu daha dəhşətli məsələydi. 2024-cü ilin dekabrında Ermənistan Baş naziri Nikol Paşinyan milli mətbəxin inkişafı məsələsi ilə bağlı çıxış etdi. Milli irs kimi bunun ortaya qoyulmasına milyonlarla pul ayrıldı. Bütün bunlar onların qarşısını almaq üçün yaradılan mərkəzin iflic vəziyyətinə salınmasına görə baş verdi. Tahir Əmraslanov aralandı və beynəlxalq aləmdə Azərbaycan mətbəxinin təbliğ olunmasına qoymadılar. Bunlar guya ki, 2,9 milyon mətbəxin təbliğinə xərcləyirlər. Dünyada bir yerdə də Azərbaycan mətbəxini təbliğ etmədilər. İndi mən “Discovery Global"a bunların hərəkətindən sonra özümü elə apardım ki, kitablarımı yandırıram. Protesti verəndən sonra həmin şeyi düzəltdilər. Amma 7 regionumuzun mətbəxi ermənilərə hədiyyə olunmuşdu. Onlar onu nüsxə edib saxlayırlar. Düşməni axmaq bilmək lazım deyil. Bilirsiniz, məni pul yemək üçün çıxarıblar və daha dəhşətlisi 30 ildə etdiklərimizin axırına çıxdılar. Bundan sonra ermənilər ayılıb, çox gözəl də işləyirlər. Yenidən 30 il lazımdır ki, bunların üç ildə etdiklərini bərpa edək. Məsələ budur. Yoxsa Tahir Əmraslanov kimdi? Adi bir adamdı. Şairlərimizi, yazıçılarımızı 1937-ci ildə güllələdilər. Səməd Vurğuna hansı təzyiqlər oldu, nə olsun? Onun kitabları qaldı. Amma bir adam ətrafında söhbət getməsi məni rəncidə edir. Tahir Əmraslaniv kimdir, sıradan bir insandır da. Onsuz da Tahir Əmraslanovu pensiyadan bir il əvvəl işdən çıxarmışdılar, onda da dünyasını dəyişə bilərdi. Belə olmamalıydı axı. Mərkəz, dövlət işləməliydi. Ermənilərə qarşı durulmalıydı. Mərkəzi niyə dağıtdılar?
Şuşa festivalı haqda isə Tahir Əmraslanov bunları deyib:
