İtaliya çempionatının 28-ci turunda "Napoli" "Fiorentina" ilə qarşılaşıb.
hakimiyyet.az xəbər verir ki, qarşılaşma "Napoli"nin 2:1 hesablı qələbəsi ilə yekunlaşıb.
26-cı dəqiqədə "Napoli"nin belçikalı hücumçusu Romelu Lukaku hesabı açıb. 60-cı dəqiqədə Cakomo Raspadori Lukakunun ötürməsi ilə meydan sahiblərinin üstünlüyünü ikiyə çatdırıb. 66-cı dəqiqədə "Fiorentina" qollardan birinin əvəzini çıxa bilib.
28 matçdan sonra "Napoli" A Seriyasının turnir cədvəlində 60 xalla "İnter"dən bir xal geri qalaraq ikinci, "Fiorentina" isə 45 xalla yeddinci yerdədir.
