ABŞ dövlət katibi Marko Rubio bu gün, martın 10-da X şəbəkəsində ABŞ Beynəlxalq İnkişaf Agentliyinin (USAID) proqramlarının böyük əksəriyyətinin bağlandığını elan edib.
“Altı həftəlik araşdırmadan sonra biz USAID proqramlarının 83%-ni rəsmi olaraq bağlamışıq. Ləğv edilmiş 5200 müqavilə milyardlarla dollardan ABŞ-ın əsas milli maraqlarına xidmət etməyən (və bəzi hallarda hətta zərər vuran) üsullardan istifadə edib”, – deyə dövlət katibi bildirib. Rubio bildirib ki, saxlanılan proqramlara (ümumilikdə 1000) birbaşa Dövlət Departamenti nəzarət edəcək və Konqres tərəfindən təsdiqlənəcək.
Rubio öz mesajında xüsusi olaraq Elon Maskın Hökumətin Effektivliyi Departamentinə (DOGE) USAİD-in “bu cür vaxtı keçmiş və tarixi islahatı” həyata keçirməyə kömək etdiyinə görə təşəkkür edib. Bu, iki gündə ikinci dəfədir ki, dövlət katibi ABŞ prezidentinin iştirakı ilə görüşdə qızğın mübahisə etdiyi bildirilən İlon Maska açıq şəkildə dəstək verir.
//Samir Qurbanov, Editor.az
