Dünən gecə Ukrayna ordusu Rusiya regionlarına pilotsuz uçuş aparatları ilə hücumlar edib.
“AzPolitika” xəbər verir ki, bu barədə məlumatı Rusiya Müdafiə Nazirliyi yayıb.
Məlumatda o da qeyd edilir ki, gecə ərzində regionlar üzərində 337 PUA zərərsizləşdirilib. Onlardan 91-i Moskva vilayətinin üzərində vurulub.
Bu, cari ildə Rusiya ərazisinə edilən ən genişmiqyaslı PUA hücumu olub.
“RİA Novosti”nin məlumatına görə, Moskva vilayətində hücum nəticəsində 1 nəfər həlak olub, daha 5 nəfər isə xəsarət alıb.
