Usta aktyor Al Paçino uzun və əfsanəvi karyerası ərzində 9 dəfə Akademiya Mükafatına namizəd olub. Bununla belə, illər ərzində ona bir çox mükafat qazandıran performanslarına baxmayaraq, Paçino 1990-cı ildə “Dick Tracy” filmində baş rolda oynayaraq ən çox əyləndiyini və 1983-cü ildə “Brian De Palma” klassiki “Scarface” filmində canlandırdığı kubalı qaçqın Toni Montana obrazının onun "sevimlisi" olduğunu ifadə edib.
Hafta.az-ın “Variety”a istinadən yazdığına görə, Paçino bu açıqlamanı “Dog Day Noon”un 50-ci ildönümünə həsr olunmuş xüsusi nümayişdə edib.
Kaliforniyanın Santa Monika şəhərində keçirilən tədbirdə əfsanəvi aktyor filmdən sonra keçirilən sual-cavabda “Düzünü desəm, mənim üçün “Scarface”i keçəcək heç bir film yoxdur” deyib.
84 yaşlı Oskar mükafatlı ulduz bu seçimin səbəbini belə izah edib: "Bir vaxtlar Los-Ancelesdə “Tiffany” adlı kinoteatr var idi, amma indi yoxdur. Köhnə filmləri oynayırdılar. 1932-ci ildə çəkilmiş “Scarface” filmini nümayiş etdirdiklərini eşidəndə bir neçə dostumla ora getmişdim. Rejissoru Hovard Hauks olan və o dövrün ən böyük aktyorlarından sayılan Paul Muninin baş rolda oynadığı bu filmə baxanda həqiqətən heyran oldum”.
Paçino 1976-cı ildə məşhur bank soyğunçusu Con Voytoviçin hekayəsindən ilhamlanan "Dog Day Afternoon" filmindəki performansına görə "Ən yaxşı aktyor" nominasiyasında Oskar mükafatına layiq görülüb.
Filmdəki Sonni Vortzik obrazı pərəstişkarlarının sevimli rollarından biri olsa da, Paçino Urren Bittinin 1990-cı ildə çəkdiyi “Dick Tracy” filmində canlandırdığı Big Boy Caprice obrazını oynamaqdan həzz aldığını bildirib.
Eyni tədbirdə Paçinodan onun ən çətin rolları haqqında da soruşublar. Ustad aktyor ifa etdiyi rolların demək olar ki, yarısının çətin olduğunu düşündüyünü və mütləq “Dog Day Afternoon” filminin də onlardan biri olduğunu söyləyib.
