Türkiyənin “Show TV” kanalında yayımlanan “Siyah Kalp” serialı ilə bağlı sürpriz gəlişmə yaşanıb.
“Cebheinfo.az” xəbər verir ki, ekran işinin final qərarı ləğv olunub.
Buna səbəb onun yerinə başlaması nəzərdə tutulan “Halef” serialının yeni mövsümə təxirə salınması və “Siyah Kalp”in son bölümlərinin reytinqlərinin yüksəlməsidir.
Beləliklə, 26-cı bölümdə final olacağı açıqlanan layihə mövsümün sonuna qədər davam edəcək. İlkin məlumatlara əsasən, serialın 35-ci bölümdə ekranlara vida etməsi planlaşdırılır.
Lakin reytinqlərin yüksələcəyi halda “Siyah Kalp”in ikinci mövsümü də çəkilə bilər.
