"Çelsi" "Milan"ın hücumçusu Rafael Leao ilə maraqlanmaqda davam edir.
"Operativ Məlumat Mərkəzi-OMM" "TodoFichajes" portalına istinadən xəbər verir ki, London klubu 25 yaşlı portuqaliyalını 2025-ci ildə hücumunu gücləndirmək üçün əsas hədəf kimi müəyyənləşdirib.
Bu ilin əvvəlində "Milan" "Çelsi"nin Leao üçün 75 milyon avroluq təklifini rədd etmişdi.
Komanda Çempionlar Liqasına vəsiqə qazanmasa, "rossoneri" ulduz forvardı yayda 100 milyon avroya satmağa hazır olacaq.
Rafael Leao ilə digər Avropa nəhəngləri, o cümlədən "Mançester Yunayted" və "Barselona" da maraqlanır.
