Ürək xəstələri Ramazan ayında qidalanmalarına xüsusi diqqət yetirməlidirlər.
E-saglam.az xəbər verir ki, stabil ürək problemi olanlar həkim məsləhəti ilə oruc tuta bilər, lakin ciddi ürək xəstəlikləri olanlara tövsiyə edilmir.
İftar və imsakda yüngül və balanslı qidalar seçilməlidir. Susuzluq ürəyə yük saldığı üçün kifayət qədər su içmək vacibdir. Dərmanların qəbul saatları iftar və imsaka uyğun tənzimlənməlidir.
İmsakda tox tutan lifli və proteinli qidalara üstünlük verilməlidir. Yağlı və ağır yeməklər ürəyə mənfi təsir göstərə bilər.
İftara xurma və su ilə başlamaq, sonra yüngül yeməklər qəbul etmək məsləhətdir. Tez və çox yemək həzmi çətinləşdirə və qan təzyiqini yüksəldə bilər. Şirniyyat və duzlu qidaların həddindən artıq istehlakından çəkinmək lazımdır.
Yuxu rejiminin pozulması ürəyə əlavə stress yarada bilər. Qan təzyiqi və ürək döyüntüsündə dəyişikliklərə diqqət edilməlidir.
Ürək çatışmazlığı və nəzarətsiz hipertoniya olan şəxslər üçün oruc təhlükəli ola bilər. Son aylarda ürək əməliyyatı keçirmiş şəxslərə oruc tövsiyə edilmir. Hər hansı narahatlıq yaranarsa, dərhal həkimə müraciət edilməlidir.
Tərcümə: Könül Oruc
