Rusiya Ukraynada atəşkəs təklifini rədd edərsə, ABŞ-ın bir açıq variantı olacaq - Ukraynaya daha da böyük hərbi dəstək verməklə Kremlə təzyiq göstərmək.
HİT.az xəbər verir ki, bunu "The Telegraph" yazıb.
"Bu, çox güman ki, Konqresə qayıtmağı və hər iki palatanın Tramp və vitse-prezident Cey Di Vensin açıq şəkildə lağa qoyduğu başqa bir paketə səs verməsini tələb edə bilər, lakin belə bir hərəkət hətta onun üçün çox möhtəşəm bir siyasi salto ola bilər", deyə nəşr qeyd edib.
Qeyd olunur ki, martın 11-də Ciddədə keçirilən danışıqların nəticəsi ABŞ-ın mövqeyində dramatik dəyişiklik kimi görünə bilər, lakin zahirdə həqiqət daha mürəkkəbdir.
Məqalədə deyilir: "Bütün səs-küyə və qəzəblərə baxmayaraq, Vaşinqton keçən il Trampın Ukrayna üzrə xüsusi elçisi olan general Keyt Kelloqun dərc etdiyi plana əməl edir. Bunu təqribən belə ümumiləşdirmək olar: ukraynalıları atəşkəs və sülh danışıqları ilə razılaşana qədər döyün, sonra rusların üzərinə vintləri sıxın".
İddia olunur ki, Rusiya prezidenti Vladimir Putin atəşkəs və ya Amerika silahlarının və kəşfiyyatının yenidən Kiyevə daxil olmasını istəmir:
"Onun cavabı? Yeni məkrlilik səviyyəsinə hazırlaşın... Qoşunları nəhayət, Kursk bölgəsində Ukraynanın irəliləyişinə doğru irəlilədiyi anda atəşkəslə razılaşmaqdan çox çəkinəcək... Putinin istədiyi ardıcıllıqla atəşkəs son addım olacaq, qalan hər şey həll olunduqdan sonra, Rusiya hərbçilərinin Ukraynaya qarşı hər hansı təzyiqi davam etdirməsinə imkan verəcək... Daha çox ehtimal ki, Rusiya təklifi qəbul etmiş kimi davranacaq və məhz bunu edəcək".
Xatırladaq ki, martın 11-də Səudiyyə Ərəbistanında Ukrayna və Amerika Birləşmiş Ştatlarının nümayəndə heyətləri arasında danışıqlar olub. Görüş zamanı ölkələrin nümayəndələri bir sıra mühüm razılaşmalar əldə ediblər.
O cümlədən, birgə bəyanata görə, Kiyev ABŞ-ın uzadılma imkanı ilə 30 günlük atəşkəs təklifini qəbul edib. Əsas şərt Rusiya Federasiyası tərəfindən atəşkəsin qəbul edilməsi və eyni vaxtda həyata keçirilməsidir.
Samir
