“Liverpul”un cinah oyunçusu Məhəmməd Salahın “Barselona”ya keçə biləcəyini xəbər vermişdik.
Sportinfo.az “Diario Sport”-a istinadən xəbər verir ki, misirli futbolçu ilə klub arasında ilk danışıqlar 2024-cü ilin sonunda baş tutub, lakin konkret təklif olmayıb.
“Barselona” Salahın keyfiyyətlərinin istənilən profilə uyğun olduğuna inanır.
Səudiyyə Ərəbistanı klublarının da Salahla müqavilə bağlamaqda maraqlı olduğu bildirilir. Bunların arasında xüsusən də “Əl-Hilal” misirli futbolçuya mövsüm üçün 50 milyon avro ödəməyə hazırdır.
Salahın “Liverpul”la hazırkı müqaviləsi bu il iyunun sonunda başa çatacaq.
