Kapital bazarına daha çox emitentin cəlb edilməsi buraxılışların keyfiyyətinə mənfi təsir göstərə bilər.
“Report” xəbər verir ki, bunu Azərbaycan Mərkəzi Bankının (AMB) Qiymətli kağızların qeydiyyatı şöbəsinin müdiri Asəf Məmmədov 12-ci Beynəlxalq "Caspian Investment Forum"da bildirib.
Onun sözlərinə görə, hər bir ölkədə nəzarət orqanlarının qərarları əsas sayılır və listinq prosesi ilə bağlı qeyri-müəyyənliklər bazar iştirakçıları üçün əlavə çətinliklər yarada bilər.
“Məsələyə paralel yanaşsaq, Bakı Fond Birjası (BFB) tərəfindən müsbət qərarın verilməsi, lakin AMB-nin buraxılışa imtina etməsi emitentlər və birja üçün vaxt və maliyyə itkilərinə səbəb ola bilər. Eyni zamanda, bu məlumatın bazara çıxması BFB-nin reputasiyasına da mənfi təsir edə bilər”, - deyə A.Məmmədov vurğulayıb.
