Ermənistan silahlı qüvvələri bu gün – martın 16-da Azərbaycanın mövqelərini 3 dəfə atəşə tutublar.
FED,az xəbər verir ki, bu barədə Müdafiə Nazirliyi gün ərzində bir neçə dəfə məlumat yayıb.
Nazirliyin xəbərinə görə, bu gün 09:45 radələrində Ermənistan silahlı qüvvələrinin bölmələri Gorus rayonunun Dığ yaşayış məntəqəsi istiqamətində yerləşən mövqelərindən Ordumuzun mövqelərini atıcı silahlardan atəşə tutub.
İkinci dəfə belə hal axşam saatlarında baş verib.
Martın 16-sı saat 18:35 radələrində Ermənistan silahlı qüvvələrinin bölmələri Gorus rayonunun Xəzinəvar yaşayış məntəqəsi istiqamətində yerləşən mövqelərindən Ordumuzun mövqelərini atıcı silahlardan atəşə tutub.
Nəhayət, Ermənistan silahlıları 3 dəfə mövqelərimizi atəşə tutub.
Martın 16-sı saat 20:10-dan 20:45-dək Ermənistan silahlı qüvvələrinin bölmələri Gorus rayonunun Burun yaşayış məntəqəsi istiqamətində yerləşən mövqelərindən Ordumuzun mövqelərini atıcı silahlardan bir neçə dəfə atəşə tutub.
