2024-cü ilin mayında Vilnüsdə IKEA mağazasının yandırılmasının arxasında Rusiya hərbi kəşfiyyatı dayanırdı və bu işdə şübhəli bilinən şəxs oxşar cinayətlərdə iştirak edən digər şəxslərlə birlikdə Polşada həbsdədir. Reuters xəbər verir ki, bu barədə jurnalistlərə Litvanın baş prokuroru Arturas Urbelis məlumat verib.Onun sözlərinə görə, Litva araşdırması göstərib ki, mağazanın yandırılması uzun bir vasitəçi zənciri vasitəsilə Rusiya Federasiyası ilə bağlıdır.

Urbelis jurnalistlərə açıqlamasında "Bu, hərbi kəşfiyyat, təhlükəsizlik xidmətləri ilə bağlıdır" dedi.
Onun sözlərinə görə, hücumu biri azyaşlı olan iki Ukrayna vətəndaşı həyata keçirib.Agentliyin qeyd etdiyi kimi, Qərb rəsmiləri bildirirlər ki, son illər Avropada təxribat hallarının sayı kəskin artıb, onların bəzilərinin Rusiya tərəfindən pul ödədiyi agentlərlə əlaqəli olduğu iddia edilir. Rusiya tərəfi mütəmadi olaraq bu insidentlərdə iştirakını inkar edir.

Martın əvvəlində İsveçə məxsus Baltik dənizindəki Qotland adasında təxribat cəhdi araşdırılmağa başlandı.

aia.az
Tərcümə şöbəsi

• Rusiya
• Mağaza
• Yanğın
• Litva
• Hərbi Kəşfiyyat
• Vilnüs
• Ikea