Birinci Qarabağ müharibəsində itkin düşən daha iki hərbçinin dəfn mərasimi keçiriləcək.
“Qafqazinfo” xəbər verir ki, bu barədə məlumatı Əsir və itkin düşmüş, girov götürülmüş vətəndaşlarla əlaqədar Dövlət Komissiyası yayıb.
Behbudov Daşqın Nəsrəddin oğlu martın 19-u, saat 14:00-da Göyçay rayonu, Mırtı kənd qəbiristanlığında, Atayev Atakişi Qəhrəman oğlu da martın 19-u, saat 12:00-da Bakı şəhəri, Nizami rayonu, Keşlə qəsəbəsindəki Şəhidlər Xiyabanında torpağa tapşırılacaq.
