1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
2026-cı ildə keçiriləcək futbol üzrə dünya çempionatının seçmə mərhələsində altı oyun baş tutub.
Oxu.Az xəbər verir ki, İngiltərə yığması Latviyanı sınağa çəkib. "Uembli"dəki qarşılaşmada meydan sahibləri qonaqların qapısından 3 cavabsız top keçirib - 3:0. Eyni hesabla Albaniya yığması Andorradan üstün olub.
Litva ev matçında Finlandiya ilə xalları yarı bölüb - 2:2. Polşa millisi isə Maltanı 2:0 hesabıyla məğlubiyyətə uğradıb.
Rumıniya səfərdə San-Marinonu darmadağın edib - 5:1. Bosniya və Herseqovina isə Kipri əliboş yola salıb - 2:1.
Qeyd edək ki, seçmə mərhələnin mart oyunlarına ayın 25-də keçiriləcək altı matçla yekun vurulacaq.
