Bakı metropoliteninin stansiyalarında 2025-ci ilin ilk iki ayında sərnişinlər 534 dəfə eskalatorların dayanmasına səbəb olublar. Bu barədə “Bakı Metropoliteni” QSC məlumat yayıb.
Bildirilib ki, bunlardan 336-sı dayanma ehtiyacı olmadığı halda “STOP” açarının işə salınması nəticəsində baş verib.
Ehtiyatsız davranan 129 sərnişin eskalatorda yıxılıb, onlardan 7-si xəsarət alıb.
Sərnişinlərin əşyalarının eskalator elementlərinə ilişməsi nəticəsində isə 69 yıxılma halı qeydə alınıb.
