1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiyada yaşayan iş adamı Fərhad Əhmədovdan boşanaraq məhkəmə yolu ilə Böyük Britaniyada rekord hesab edilən məbləğdə pul əldə edən keçmiş həyat yoldaşı Tatyana Soroka boşanma üzrə vəkili Fiona Şekltona qarşı iddiasını geri götürüb. Mübahisənin predmeti onun keçmiş ərinin əvvəllər Roman Abramoviçə məxsus olan super yaxtası olmalı idi.
Oxu.Az xəbər verir ki, bu barədə spletnik.ru məlumat verib.
Daha əvvəl məlum olmuşdu ki, Tatyana səhlənkarlığına görə məsuliyyətə cəlb etmək istədiyi Şekltonu məhkəməyə verib. 52 yaşlı Soroka iddia edib ki, vəkil və onun firması Mayamidəki 260 milyon dollarlıq doqquzgöyərtəli "Luna" yaxtasını müsadirə edə bilməyib. Bu yaxta keçmiş həyat yoldaşları arasında əmlak mübahisəsinin bir hissəsi idi və Əhmədovun keçmiş arvadı boşanma zamanı ona çatacaq məbləğ müqabilində onu əldə etmək niyyətində idi.
