1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Malayziyada Kuala-Lumpurdan bir qədər aralıda yerləşən Subanq-Caya rayonunda qaz kəmərində böyük partlayış baş verib.
Bu barədə Oxu.Az "Malay Mail"ə istinadən məlumat verir.
Partlayış nəticəsində azı 112 nəfər xəsarət alıb, onlardan 63-ü xəstəxanaya yerləşdirilib.
Qeyd olunub ki, qaz kəməri dövlət enerji şirkəti olan "Petronas"a məxsusdur.
Yanğın qaz kəmərinin təxminən 500 m uzunluğunda bir hissəsini əhatə edib, alov göyə yüksəlir.
Yaxınlıqdakı Avan yaşayış rayonunun sakinləri təxliyə edilirlər. Hakimiyyət yaxınlıqda yerləşən "Petronas" yanacaqdoldurma məntəqəsinin zərər görmədiyini təsdiqləyib - yalnız əsas qaz kəməri yanır.
Yanğın nəticəsində hadisə yerinin ətrafında yerləşən 43 evin zərər gördüyü vurğulanıb.
Yanğının söndürülməsi üzrə işlər aparılır.
