1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Birləşmiş Ərəb Əmirliklərində (BƏƏ) Əbu-Dabi məhkəməsi israilli ravvin Tsvi Koqanın qətlində təqsirli bilinən üç nəfəri edam cəzasına məhkum edib.
Oxu.Az xəbər verir ki, bu barədə Associated Press (AP) məlumat yayıb.
İş üzrə digər təqsirləndirilən şəxs isə qətlə köməklik etdiyi üçün ömürlük həbs cəzası alıb.
BƏƏ ədliyyə orqanları mühakimə olunanların adlarını açıqlamayıb. Lakin AP-nin qeyd etdiyi kimi, ötən ilin sonunda qətli törətməkdə şübhəli bilinən üç Özbəkistan vətəndaşı Türkiyədən ekstradisiya edilib.
Xatırladaq ki, keçən ilin noyabrında Dubayda 28 yaşlı koşer ərzaq mağazasının sahibi Tsvi Koqanın itkin düşdüyü və daha sonra ölü tapıldığı bildirilmişdi. Koqanın cənazəsi İsrailə aparılıb və orada dəfn edilib.
