Ukraynanın xarici işlər naziri Andrey Sibiqa bildirib ki, ABŞ ilə faydalı qazıntılar haqqında razılaşma Kiyevin Avropa İttifaqına (Aİ) can atmasına dair mövqeyi ilə ziddiyyət təşkil etməməlidir.
Bu barədə "RBK-Ukraina" məlumat yayıb.
"Bu razılaşma heç bir halda bizim avrointeqrasiya yolumuza, Aİ-yə inteqrasiyamıza zidd ola bilməz", - deyə A.Sibiqa bildirib.
O vurğulayıb ki, bu, Ukraynanın ABŞ ilə dialoqda prinsipial mövqelərindən biridir.
Xatırladaq ki, martın 28-də Ukrayna Prezidenti Volodimir Zelenski ABŞ-dən faydalı qazıntılar üzrə razılaşmanın yeni variantını aldığını açıqlayıb.
Oxu.az
Tarix: 2 Aprel 2025, 07:13
