Qəzza zolağında Misirlə sərhəddə yeganə sərhəd-keçid məntəqəsi olan Rəfahı Fələstin tərəfi idarə edəcək.
"Yeni Azərbaycan" xəbər verir ki, bu barədə “Asharq Al-Awsat” qəzeti anonim mənbəyə istinadən məlumat yayıb.
Tərəflər Fələstin administrasiyasının Rəfah sərhəd-keçid məntəqəsini "beynəlxalq müşahidə və BMT-nin monitorinqi altında" idarə etməsi ilə bağlı razılığa gəliblər.
Mənbə bildirib ki, əsas sərhəd-keçid məntəqəsinin açılacağı tarix hələ təyin edilməyib.
Qeyd olunur ki, qərar İsrailin "Şin Bet", "Mossad" xüsusi xidmət orqanlarının və Misir kəşfiyyatının rəhbərlərinin Qahirədəki görüşündə qəbul edilib.
"İsrail dəhlizdən qoşunların qismən çıxarılmasını təklif edib, bununla razılaşmayan Misir isə qoşunların tam çıxarılmasında və müharibədən əvvəlki vəziyyətə qayıtmaqda israrlıdır", - mənbə nəşrə bildirib.
Havar Şəfiyeva
