“COVID-19 virusunun Çinin Uhan şəhərindəki laboratoriyadan sızması ilə bağlı iddialar təsdiqlənmiş faktdır”.
KONKRET.az xəbər verir ki, bunu Ağ Evin sözçüsü Karoline Leavitt deyib.
O, bu həqiqəti Amerika xalqına açdığına görə MKİ direktoru Con Ratkliffi təbrik edib.
“Bayden administrasiyasının bu məsələni Amerika xalqına izah etmək şansı var idi. Lakin nədənsə bunu etmədilər. Ancaq indi bunun təsdiqlənmiş fakt olduğunu bilirik. Bunun ortaya çıxması uzun illər çəkdi. Donald Trump bu məsələdə haqlı idi. Çünki o, 2016-2020-ci illər arasında ilk prezidentlik müddətinin sonunda COVID-19-un Çinin Uhan şəhərindəki laboratoriyadan dünyaya yayıldığını və Pekinin bunun qarşısını almaq üçün heç bir tədbir görmədiyini açıqlayıb”, – deyə Ağ Ev sözçüsü vurğulayıb.
