Rusiyanın Vladiqafqaz, Qroznı və Mahaçqala hava limanlarında müvəqqəti məhdudiyyətlər tətbiq edilib.
AZXEBER.COM xəbər verir ki, bu barədə Rosaviasiyanın nümayəndəsi Artem Korenyako məlumat verib.
Bildirilib ki, Bakı vaxtı ilə saat 08:44-də təyyarələrin qəbulu və buraxılması məhdudlaşdırılıb.
\"Təyyarə ekipajları, hava dispetçerləri və hava limanının xidmətləri uçuşların təhlükəsizliyini təmin etmək üçün bütün lazımi tədbirləri görürlər - bu, əsas prioritetdir\", - deyə məlumatda bildirilir.
Həmçinin fevralın 3-də Həştərxan və Volqoqrad hava limanlarının fəaliyyətinə müvəqqəti məhdudiyyətlər tətbiq edilib.
