Bakı, 5 fevral, AZƏRTAC
ABŞ-dan qovulmuş qeyri-qanuni miqrantlar Amerikanın Quantanamo (Kuba) hərbi bazasındakı təcridxanaya gətirilib.
AZƏRTAC xəbər verir ki, bu barədə Ağ evin sözçüsü Karolin Levit bildirib.
"Biz daha ABŞ-ın qlobal qeyri-qanuni immiqrasiya yuvasına çevrilməsinə icazə verməyəcəyik", - deyə o qeyd edib.
Bundan əvvəl ABŞ Prezidenti Donald Trampın miqrantların yerləşdirilməsi üçün “Quantanamo”da 30 min nəfərlik müəssisənin hazırlanmasına başlamaq barədə göstəriş verdiyi bildirilirdi.
