ABŞ Prezidenti Donald Tramp ölkəsinin Birləşmiş Millətlər Təşkilatının Fələstinli Qaçqınlara Yardım Agentliyinin (“UNRWA”) və BMT-nin İnsan Haqları Şurasından çıxarılması barədə sərəncam imzalayıb.
"Cebheinfo.az" xəbər verir ki, Tramp Ağ Evdə keçirilən imza mərasimində ölkəsinin beynəlxalq təşkilatlardakı rolu ilə bağlı yeni addım atıb.
Tramp ABŞ-nin UNRWA və BMT-nin İnsan Haqları Şurasından çıxarılmasına dair sərəncam imzalayıb.
İsrailin Qəzzada törətdiyi soyqırımı zamanı tez-tez gündəmə gələn və hətta respublikaçıların “bağlanmasını” tələb etdiyi UNRWA-ya qarşı yeni bir addım atan Tramp, ABŞ-nin artıq fələstinlilərə yardım etmək üçün yaradılmış qurumun bir hissəsi olmadığını bildirib.
Co Bayden administrasiyası daha əvvəl ABŞ-nin UNRWA-ya maliyyə ayırmasını dayandırmaq qərarına gəlmişdi.
