İstanbulun mərkəzində restoran yanır, hadisə yerində çox sayda yanğınsöndürmə briqadaları işləyir.
"Report" yerli KİV-ə istinadən xəbər verir ki, restoran tarixi Misir bazarının yaxınlığında, Eminönü ərazisində yerləşir.
Obyekt beşmərtəbəli binanın birinci mərtəbəsində yerləşir, alov yuxarı mərtəbələrə və qonşu binalara yayılıb.
Hələlik binanın içərisində insanların qalıb-qalmadığı məlum deyil. Həmçinin ölən və xəsarət alanlar barədə məlumat yoxdur.
Hadisə yerində təcili tibbi yardım briqadaları da işləyir.
