Səudiyyə Ərəbistanının ən böyük neft istehsalçısı olan “Saudi Aramco” mart ayında ABŞ, Asiya və Avropadakı alıcılar üçün neft qiymətlərini kəskin artıracaq. Busaat.az xəbər verir ki, bu barədə Attaqa iqtisadi xəbərlər saytı məlumat yayıb.
Asiyaya tədarük edilən əsas marka “Arab Light”ın qiyməti 2,4 dollar/barel artacaq. Bu, 2022-ci ilin avqustundan bəri ən yüksək dinamikadır.
Bu inflyasiya nəticəsində Arab Light markalı neftin bir barelinin qiyməti Oman/Dubay neft səbətinin qiymətini 3,9 dollar ötəcək.
Keçən ay ABŞ-ın Rusiya neftinə qarşı sərt sanksiyalar tətbiq etməsi, Asiya neft emalı şirkətlərini yer və keyfiyyət baxımından ən yaxın alternativ tapmaq üçün tələsməyə məcbur etdi ki, bu da regionun xam neftinin qiymətinin artmasına səbəb oldu.
