Nəhəng göl günü-gündən yoxa çıxır...
Vaxtilə 68 min kvadrat kilometr ərazini əhatə edən göldən cəmi 8 min kvadrat kilometr su sahəsi qalıb.
Gölün qalan hissəsi Aralqum adlı yeni səhraya çevrilib.
Birləşmiş Millətlər Təşkilatının Səhralaşmaya Qarşı Mübarizə Konvensiyasının İcraçı Katibi İbrahim Tiau Aral dənizinin itirilməsini "dünyanın ən böyük ekoloji fəlakətlərindən biri " kimi təsvir edir.
Araşdırmalar göstərir ki, 1984-2015-ci illər arasında bölgədə atmosfer tozunun miqdarı 14 milyondan 27 milyon metrik tona qədər artıb.
Hətta 800 kilometr uzaqlıqdakı yaşayış məntəqələrində də havanın keyfiyyətinə mənfi təsir göstərən bu toz bölgədəki buzlaqların əriməsini sürətləndirir və su böhranını daha da artırır.
Toz fırtınalarının daşıdığı duz və kimyəvi maddələr kənd təsərrüfatı sahələrini məhv edir, içməli suları çirkləndirir.
