Ay hər il Yerdən təxminən 3,82 sm uzaqlaşır. Bu proses Yer kürəsinin fırlanmasını yavaşladır. Alimlər bu effekti fiqurlu konkisürənlə müqayisə edirlər: insan qollarını açdıqda fırlanma sürəti azalır. Eyni prinsip Yer və Ay sistemində də işləyir.
Araşdırmalar göstərir ki, 1,4 milyard il əvvəl Yer kürəsində günlər cəmi 18 saat davam edirdi. Həmin dövrdə Ay Yerlə daha yaxın olub və planetimizin fırlanmasını sürətləndirirdi.
Bu dəyişiklik çox yavaş baş verir - hər gün cəmi bir neçə millisaniyə uzanır. 1972-ci ildən bəri alimlər artıq 27 dəfə "əlavə saniyə" tətbiq ediblər. Bununla belə, bir saatlıq dəyişiklik üçün təxminən 200 milyon il tələb olunur.
Günlərin uzanması iqlim, dəniz səviyyələri və cazibə qüvvəsi ilə bağlı digər təbii proseslərə təsir edə bilər. Bu dəyişikliklər bizə Yer kürəsinin kosmosla və qravitasiya qüvvələri ilə nə qədər bağlı olduğunu bir daha xatırladır.
