Bu gün İsrail və HƏMAS arasında əsir mübadiləsinin beşinci raundu baş tutacaq.
3 israilli kişi məhbusun müqabilində 183 fələstinli azad ediləcək.
Modern.az xarici KİV-ə istinadən xəbəır verir ki, HƏMAS Qəzzada atəşkəs və əsir mübadiləsi razılaşmasının beşinci raundunda azad edəcəyi israillilərin adlarını açıqlayıb.
HƏMAS-ın silahlı qanadı İzzəddin əl-Qəssam Briqadaları tərəfindən verilən açıqlamada, razılaşma çərçivəsində 3 israilli məhbusun bu gün azad ediləcəyi bildirilib.
Açıqlamada azadlığa buraxılacaq məhbusların Eli Sharabi, Or Levy və Ohad Ben Ami olduğu qeyd edilib.
Bəyanatda bildirilir ki, məhbusların siyahısı vasitəçilərə çatdırılıb.
Qəzzadakı 3 israillinin Qırmızı Xaç qruplarına təhvil verilməsindən sonra İsrail həbsxanalarında olan 183 fələstinlinin azadlığa çıxacağı gözlənilir.
