Səudiyyə Ərəbistanı Xarici İşlər Nazirliyi İsrail Baş naziri Binyamin Netanyahunun fələstinlilərin köçürülməsi və bu ölkənin ərazisində Fələstin dövlətinin yaradılması barədə bəyanatına cavab verib.
Demokratikmusavat.comxəbər verir ki, bu barədə Səudiyyə Ərəbistanı XİN bəyanat yayıb.
İsrail Baş nazirinin bəyanatınının qəbuledilməz olduğu bildirilib.
“Krallıq diqqəti İsrailin Qəzza zolağında fələstinli qardaşlarımıza qarşı törətdiyi davamlı cinayətlərdən, o cümlədən etnik təmizləmədən yayındırmaq məqsədi daşıyan bu cür bəyanatları qəti şəkildə rədd etdiyini bir daha bəyan edir. Qardaş Fələstin xalqının öz torpağında yaşamaq haqqı var. Onlar istənilən vaxt qovulacaq yadplanetlilər və ya köçkünlər deyillər”, - bəyanatda vurğulanıb.
Xatırladaq ki, Ər-Riyadın İsrail-Fələstin münaqişəsində iki dövlətli həlli zəruri saymasına cavab olaraq Binyamin Netanyahu fələstinlilərə Səudiyyə Ərəbistanı ərazisində dövlət yarada biləcəklərini bildirmişdi.(Publika.az)
