Almaniya kansleri Olaf Şolz kanslerliyə namizəd Fridrix Merzlə debat zamanı deyib ki, Ukrayna yaxın gələcəkdə NATO-ya üzv olacağını gözləməməlidir.
Onun sözlərinə görə, buna səbəb ABŞ-ın Ukraynanın Alyansa daxil olmasını dəstəkləməkdən imtina etməsidir ki, bu da hazırda qərarda əsas amildir.
KİV-in məlumatına görə, Şolz həmçinin ABŞ prezidenti Donald Trampın hakimiyyətə gəlməsindən sonra işğalçı ölkə Rusiya və Ukrayna arasında sülh danışıqlarının bərpa oluna biləcəyinə ümid etdiyini bildirib. “Bu müharibə bitsəydi, çox yaxşı olardı”, o əlavə edib. Merz onun sözləri ilə razılaşaraq NATO-nun müharibə vəziyyətində olan yeni üzvləri qəbul etmədiyini bildirib və bunun Ukraynanın Alyansa daxil olması prosesini çətinləşdirdiyi qənaətində olduğunu deyib. Bununla belə, o, əlavə edib ki, Ukraynaya Aİ üzvlüyünə namizəd statusunun verilməsi düzgün addımdır, media qeyd edir.
//Samir Qurbanov, Editor.az
