KXDR Koreya yarımadasında ABŞ-ın strateji qüvvələrinin peyda olmasını izləyir və əlində olan bütün vasitələrlə təxribatçı hərəkətlərə qarşı durmağa hazırdır.
"Operativ Məlumat Mərkəzi-OMM"-in “İnterfaks” agentliyinə istinadən verdiyi məlumata görə, bu barədə Şimali Koreya Müdafiə Nazirliyinin nümayəndəsi bildirib.
“Silahlı qüvvələrimiz ABŞ-ın strateji qüvvələrinin Koreya yarımadasına tez-tez gəlməsini diqqətlə izləyir və dövlət təhlükəsizliyi və regionda sülhün qorunması üçün hər cür vasitədən istifadə etməyə hazırdır”, - deyə qeyd edilib.
