Çinin cənubundakı Guandonq əyalətində hərəkətdə olan sərnişin avtobusunda yanğın baş verib. Hadisə nəticəsində 6 nəfər həyatını itirib, çox sayda insan yaralanıb.
"Bakuinfo" xəbər verir ki, yanğın Çaoçin şəhərinin Huaiji rayonunu Çiaşui qəsəbəsi ilə birləşdirən 813 saylı avtomobil yolunda qeydə alınıb. Avtobusda olan 6 sərnişin dünyasını dəyişib, yaralılar xəstəxanaya yerləşdirilib. Hadisənin səbəbləri araşdırılır.
Çində avtobus yanğınları tez-tez baş verirÇinin ucqar bölgələrində sərnişin avtobuslarında yanğın hadisələri vaxtaşırı baş verir. Sonuncu böyük yanğın 2019-cu ildə Hunan əyalətində qeydə alınmışdı. Həmin vaxt avtobusda baş verən yanğın nəticəsində 26 nəfər həlak olmuş, 28 nəfər isə yaralanmışdı. Yanğının səbəbi bir sərnişinin avtobusda yanar material daşıması olmuşdu.
