Bakıda ölümlə nəticələnən yol qəzası olub.
Bakıvaxtı.az xəbər verir ki, hadisə Nərimanov rayon ərazisində qeydə alınıb
1991-ci il təvəllüdlü Qasımov Ramil Aslan oğlu idarə etdiyi “VAZ 2101” markalı avtomobil ilə 1999-cu il təvəllüdlü Tağıyev Soltan İlqar oğlunun idarə etdiyi “Toyota Prius” markalı avtomobillə toqquşub.
Nəticədə “VAZ 2101” markalı avtomobildə olan sərnişin 1993-cü il təvəllüdlü Zülfüqarov Fərdi Mehman oğlu hadisə yerində ölüb. R.Qasımov, S.Tağıyev və onun idarə etdiyi avtomobildə olan sərnişin 2000-ci il təvəllüdlü Şərifov Məmməd Rəhim oğlu xəsarət alıb.
Faktla bağlı cinayət işi başlanıb.
