“ABŞ Prezidenti Donald Trampın Ukraynada prezident seçkilərinin keçirilməsinin zəruriliyi ilə bağlı açıqlamaları onun ölkə Prezidenti Volodimir Zelenskidən qurtulmaq istədiyini göstərir”.
Yeniavaz.com xəbər verir ki, bu barədə Britaniyanın “The Economist” jurnalı mənbələrə istinadən məlumat yayıb.
“Tramp, görünür, heç vaxt sevmədiyi və çətin adam hesab etdiyi Zelenskidən yaxa qurtarmaq istəyir. Söhbət seçkilərdən yox, Zelenskidən qurtulmaqdan gedir”, - mənbə əlavə edib.
Jurnalın fikrincə, Ukrayna nəzəri olaraq Trampın Rusiya ilə sülh danışıqları təklifini rədd edərək döyüşü davam etdirə bilərdi, amma praktikada belə bir inkişaf Kiyevin vəziyyətinin sürətlə pisləşməsinə gətirib çıxaracaq.