“ABŞ Prezidenti Donald Trampın Ukraynada prezident seçkilərinin keçirilməsinin zəruriliyi ilə bağlı açıqlamaları onun ölkə Prezidenti Volodimir Zelenskidən qurtulmaq istədiyini göstərir”.
Bu barədə Britaniyanın “The Economist” jurnalı mənbələrə istinadən məlumat yayıb.
“Tramp, görünür, heç vaxt sevmədiyi və çətin adam hesab etdiyi Zelenskidən yaxa qurtarmaq istəyir. Söhbət seçkilərdən yox, Zelenskidən qurtulmaqdan gedir”, - mənbə əlavə edib.
Jurnalın fikrincə, Ukrayna nəzəri olaraq Trampın Rusiya ilə sülh danışıqları təklifini rədd edərək döyüşü davam etdirə bilərdi, amma praktikada belə bir inkişaf Kiyevin vəziyyətinin sürətlə pisləşməsinə gətirib çıxaracaq.
Nəşr qeyd edib ki, Ukrayna Silahlı Qüvvələrində əməliyyat səviyyəsində ciddi problemlər və strateji planlaşdırmanın faktiki olaraq olmaması var; cəbhə xəttində kəskin kadr çatışmazlığı yaşanır, bəzi briqadaların sayı isə adi sayının üçdə birindən azına endirilib. \\Yeniavaz.com
