Bakı, 21 fevral, AZƏRTAC
19 yaşadək qadın futbolçulardan ibarət Azərbaycan milli komandası bu gün Avropa çempionatının II seçmə mərhələsində ikinci oyununu keçirəcək.
AZƏRTAC xəbər verir ki, B Liqasının 4-cü qrupunda yer alan yığma meydan sahibi Albaniya seçməsi ilə üz-üzə gələcək. Eqnatiyada yerləşən “Rrogozhine” stadionunda təşkil olunacaq qarşılaşmanı italiyalı baş hakim Martina Molinaro idarə edəcək. Matç Bakı vaxtı ilə saat 17:30-da başlayacaq.
