ABŞ sülh nizamlanmasının əsas müddəaları kimi Rusiyanın yeni regionlar üzərində nəzarətinin tanınmasını, həmçinin Vaşinqtona “milyardlarla dollar” dəyərində Ukrayna resurslarının verilməsini təklif edir.
Publika.az xəbər verir ki, bu barədə Kanadanın “Globe and Mail” qəzeti mənbələrə istinadən yazır.
“Vaşinqtonun təklifi Moskvaya torpaqlar üzərində nəzarəti təmin edəcək və Ukraynanın milyardlarla dollarlıq təbii sərvətlərini ABŞ-a verəcək”, – nəşr mənbədən sitat gətirir.
Daha sonra bu ideyanın Kanadanın baş naziri Castin Trüdo tərəfindən tənqid edildiyi və bunu ABŞ prezidenti Donald Trampa bildirdiyi vurğulanır. Lakin o, Kanada hökuməti başçısının etirazları ilə razılaşmasa da, təkzib də etməyib.
