Litva Prezidenti Qitanas Nauseda hesab edir ki, Aİ-yə üzv dövlətlər üçün hərbi xərclər standartı onların milli Ümumi Daxili Məhsulun (ÜDM) 3 %-i həcmində müəyyən olunmalıdır.
“Report” xəbər verir ki, bu barədə Aİ-nin fövqəladə müdafiə sammitində iştirak edən Nauseda sosial şəbəkə hesabında yazıb.
"Aİ üzvlərini yeni hədəf təyin etməyə çağırıram – ÜDM-in azı 3 %-ni müdafiəyə xərcləməyə", - paylaşımda deyilir.
Litva liderinin sözlərinə görə, əsas diqqət eyni zamanda NATO-nun şərq cinahına yönəldilməlidir: “Xüsusi diqqət və xüsusi maliyyələşdirmə Aİ-nin xarici sərhədini qoruyan şərq sərhədini əhatə etməlidir”.
