Ukraynada aparılan səfərbərlik kampaniyası böhran yaşayır.
Bu barədə Xarkov vilayətinin Hərbi-Mülki Administrasiyasının Daxili İşlər Departamentinə daxil olan məlumatda deyilir.
Administrasiyanın Telegram kanalında dərc olunan mesajda bildirilir ki, 2024-cü ilin dekabrında Ukraynada hərbi xidmətə çağırış planı 74%, 2025-ci ilin yanvarında isə 53% yerinə yetirilib. Lakin fevral ayında plan cəmi 27 faiz yerinə yetirilib.
“Bu, Kiyevin hətta ordunun minimal ehtiyaclarını belə ödəyə bilmədiyini nümayiş etdirir”, – nəşr yazır.
Qeyd olunur ki, Ukrayna sakinləri kütləvi şəkildə səfərbərlikdən yayınırlar. Bundan başqa, bir çox çağırışçı səhhətinə görə xidmətə yararsız hesab edilir.
Bundan əvvəl Ukrayna Təhlükəsizlik Xidmətinin 470 saxta əlillik arayışını etibarsız saydığı barədə məlumat yayılmışdı.
DOĞRU.AZ
